Compromise "Samjhota"

Monsoon kay mausam mai amooman yeh tajurba raha hai kay insani mizaj chirchiraypan ka shikar rehta hai.

chand roz kabal kahin bethe gupein haank rahe they mehfil ka muntakhib karda mauzoo tu saber o tahamul tha lekin baat hath se nikal kay SAMJHOTAY pey jaa ruki.mehfil do(2) tolion ki shakal ikhtiyar kar gyi

aik ka zor zindagi aik samjhota hai par tha jabkay doosri lafz samjhotay par samjhota karne ko katan tayar nahi thi tu humare aik dost ney cigarette sulghatey huye kaha COMPROMISE karna aajaye tu phir insan ko aadat hi par jati hai compromise karne ki , jis pay mausam ki munasbat se chirtey huye uth khara hua aur ghar ka raasta dekha

    Wapsi kay tamam raastay zehan mai aik hi lafz goonjta raha "Compromise" tu kuch baatein samajh mai aa gayein jin ka izhaar is mazmoon mai karne jaa raha hoon mumkin hai meri raye se buhat se logoon ko ikhtilaaf ho lekin yeh khalisatan meri apni zaati raye hai

   Asaan lafzoon mai samjhane k liye mai apni raye ko do (2) hisoon mai taqseem kiye deta hoon aik zindagi ka aaghaz compromise say doosra compromise ka amal dakhal har insan ki zindagi mai ,tu pehle point kay hawalay se batata chaloon kay insan ki zindagi ka aaghaz hi lafz "Compromise" samjhotay ki bina par hota hai.Jaisay hume humari ijazat  kay begair aur pasand na pasand kay bawajood kisi aise ghar mai peda kar dia jata hai jinhe hum jante hi nahi.tu compromise ka safar yahan se shuru hota hai phir naam rakhne ka marhala aata hai tu compromise , humari khamoshi ka faida uthate huye hume kisi b man pasand naam se munsalik ker dia jata hai, school jane ka silsila shuru ho tu bacha rota hai par dant dapat k usko bhej dia jata hai yahan tak k kareeb ul marg insan bhi compromise k tehat hi apni rooh farishtay ko sonpta hai tu yeh hua shuru se aakhir tak compromise ka safar

        Ab doosre point par ayein tu compromise kay amal say har shaks do chaar hai koi zada koi kam is baaray mai takhsees payi jati hai ,misal kay taur pey aik leader aik siyasatdaan jab iqtidaar mai hota hai tu

awaam ki tanqeed , NGO's kay mutaalbaat , ghair mulki policies kay sath compromise kerta hai jab wohi opposition mai hota hai tu hakomati machinary , apne rob o dabdabay aur sab se barh kay apni ana apni aakar kay sath compromise kerta hai in dono soortoon mai uski niji zindagi kay muaamlaat shamil nahi .ghareeb admi apni bhook kay sath compromise kerta hai tu ameer apni beemari kay sath compromise kerta hai neez har ibn e adam lafz compromise se munsalik hai 

     Fark mehaz itna hai kay agar is na maqool compromsie ko sirf compromise hi samajh kay jee lia jaye tu shayad is se peda hone wali frustration mai kami aa sakay . apni duwaoon mai yaad rakhiyega , taalib e dua Adeel Ahmed